MAMOLAT E MUSTAFA S.A.W معمولاتِ مصطفےٰ صلی اللہ علیہ وسلم

Mamolat e Mustafa S.A.W
<span dir='ltr' class='left text-left'>MAMOLAT E MUSTAFA S.A.W</span> <span dir='rtl' class='right text-right'>معمولاتِ مصطفےٰ صلی اللہ علیہ وسلم</span>

PKR:   600/-

Author: PROF. AKRAM MADNI
Year: 2018
Categories: ISLAM SEERAT UL NABI

ویسے تو رسول کریم ﷺ کی حیات طیبہ پر بے شمار کام ہوا ہے۔ چند صفحات کی کتابوں سے لے کر ضخیم جلدوں تک اصحابِ ذوق کی تشنگی کو بجھانے کے لیے مواد موجود ہے لیکن جس پہلو کو زیادہ اجاگر کرنے کی ضرورت ہے وہ رسول اللہﷺ کی زندگی کا عملی پہلو ہے جو بلاشبہ ہمارے لیے روشنی کا مینار ہے۔ لہذا سیرت طیبہ کا یہی درخشندہ پہلو منتخب کیا گیا۔ اس کتاب میں رسول اللہﷺ کی محبوب ادائیں ہیں۔ پسندیدہ اور ناپسندیدہ امور کی نشاندہی ہے۔ رسول اللہﷺ کے طرز عمل کے ساتھ ساتھ فرامین کو بھی شامل کیا ہے۔ رسول اللہﷺ کی زندگی کا ہر پہلو مکمل، تابندہ اور نور ہدایت بخشنے والا ہے۔ آپﷺ کے اخلاق دیکھیں تو خلق عظیم کی جھلک نظر آتی ہے۔ اطوار کو دیکھا جائے تو حُسن ادا سے مزین ہیں۔ عادات مطہرہ پر نظر ڈالی جائے تو نفاست اور اعلیٰ ذوق کی آئینہ دار ہیں۔ اس کتاب کو دوحصوں میں تقسیم کیا گیا ہے۔ پہلا حصہ فضائل سید المرسلینﷺ، نقشہ آخرت اور دُنیا کی حقیقت پر مشتمل ہے۔ دوسرا حصہ رسول اللہﷺ کے حلیہ مبارک، لباس مبارک، آرائش و زیبائش، اخلاق حسنہ، عبادات اور معمولات وغیرہ پر مشتمل ہے۔ یہی حصہ کتاب کا اصل مقصود ہے ہر مسلمان کے لیے رحمتوں، مسرتوں، بخششوں اور فعتوں کا پیام ہے۔ ان معمولاتِ مصطفی ﷺ پر جو بھی عمل کرے گا اللہ کے نزدیک مقبول و محبوب ہو جائے گا۔
’’تحقیق تمہارے لیے رسول اللہ (ﷺ) کی ذات و حیات میں بہترین نمونہ ہے ہراُس شخص کے لیے جو اللہ تعالیٰ جل شانہٗ کی ملاقات اور قیامت کے دن (اجروثواب کی) اُمید رکھتا ہے اور اللہ تعالیٰ کا کثرت سے ذکر کرتا ہے۔‘‘ (الاحزاب ۲۱)

RELATED BOOKS